Aarrup niaqorsua nassarlugu malissiorneq
Per Stig Møllerip Kalaallit Nunaanneeqqaarnini pikkunanaavissimavaa - AG-ip nunanut allanut ministeri naapippaa. AG atuaruk.
Per Stig Møller, ukiut qulingiluat ingerlaneranni Danmarkimi naalakkersuisuni borgerligiusuni ministeriusarsimasoq Kalaallit Nunaannut tunngasunik malunnaatilinnik nalaataqartarsimavoq.
Eqqaaneqarsinnaapput Thulemi radarip amerikamiut raketinut illersuutissaannik ilanngunneqarnissaa, Kalaallit Nunaata illersorneqarnissaa pillugu isumaqatigiissut nutaaq, arfanniartarnermut tunngasut, namminersulernissamut tunngasut, nunanut allanut tunngasutigut oqartussaanerulernissaq kiisalu B52-ip Thule Air Basep eqqaanut nakkarnerata sammineqaqqilernera.
Nunanut allanut ministerip Per Stig Møllerip tallimanngornermi ualikkut nunanut allanut ministereqarfiup Fort Knoxerpalaartup Christianshavnimiittup initaasa arfernanni AG pulaartigaa.
Nerrivimmi kaffeqarlunilu kaageqarpoq. Jakkeni napitiffimmut naatissimavaa, ilullialu qaqortoq eqissiulaarsimammat nalunanngilaq nunanut allanut ministeri issiavimmini issiarusaaginnarsimanngitsoq.
Inummik ilisarititsineq tamaat AG-mi atuaruk.