Aqqunartut saaffiginnittarfiat nakorsiartarfillu nutaaq

Aqqunartut saaffiginnittarfiat ammarneqassaaq pissutigalugu nakorsiartarfik sanaartukkamut nutaamut, Sanamut Aqqummi naammassineqalersumut, nuussammat.

Illup taassuma ilisarnaatigaa qaliani nutaaq kanngussammik qalligaq, taamaattumillu kanngussammik illuliatut taagorneqarluni. Tassani aqqunartut saaffiginnittarfiannut inissaqanngilaq, taannalu ukiualunnguit qaangiuppata pilattaasarfittut immikkoortoqarfittaamiissaaq. Immikkoortoqarfik taanna maanna nakorsiartarfiusumi inissisimassaaq, sanaartukkamik nutaamik taassuma ilassutaanik sananeqaleruttortumik ilallugu.

Taamaattumik maanna maanna pilittaasarfimmut atasumik aqqunarsimasunut saaffiginnittarfiliortoqarallarsimavoq.

Napparsimasunik tigusinissamut pissutsit nutaarluinnanngorsimapput, pisuinnartut pinartumillu pisunut ambulancemik takkunneqartunut immikkut isertarfeqarluni. Iluani nutaamik utaqqisarfeqarpoq, nutaamik passussisarfeqarluni pinartumillu ajoqusersimasunut immikkoortunik nutaanik ineqarluni.

Aqqunartut saaffiginnittarfiat pinartumik ajoqusertunut ammasassaaq nakorsiartarfiup matuneraniit unnuaq naallugu kiisalu sapaatit akunnerisa naaneranni. Sulisorineqartassapput peqqissaasut nakorsiartarfiullu nakorsai.

Aqqunartut saaffiginnittarfiat ulluunerani pingaartumik ullormut pilatassanut atorneqartassaaq, tassa imaappoq napparsimasoq pilatsereernermi kingorna uninngasariaqarani angerlarsinnaalluni. Aqqunartulli saaffiginnittarfiat soorunami aamma ulluunerani pinartumik aqqunarsimasunik passussisassaaq.

Nuuk Ugeavis atuaruk...