Akerliunermik takutitsineq iluaqutaasarpoq

Ilulissani innuttaasut illoqarfimmi pilersaarutinut nutaanut allannguutissatut siunnersuuterpassuaqarput. Sermitsiaq atuaruk.

Uani Hotel Arcticip ataani naluttarfeqalernissaa innuttaasut kissaatigaat. Assi: Leiff Josefsen

Ilulissani innuttaasunik ataatsimiisitsinerni marlunni innuttaasut akerliunerminnik takutitsipput, tamannalu sumiiffinni arlalinni allannguutissanik pilersitsivoq, kommunimi sanaartorfigissallugit kissaatigineqaraluartuni.

Juuliap Qaqqaa innuttaasut akerliunerminnik takutitsereersullu sanaartorfigineqassanngilaq, naluttarfiujumaartussarlu innaallagissiorfimmut taarsiullugu Arctic Hotel ataaniissagunarpoq.

Qimminulli inissiivinnut tunngatillugu isumaqatigiinngiittoqarpoq. Illoqarfimmi qimmit 4000 missaaniittut innuttaasut najugaanniit ungasinnerpaamut inissinneqartussatut kommuni isumaqarpoq, qimmiutillilli isumaqarlutik qimmit angerlarsimaffimminnut qanittumi inissinneqassasut, uumasut ajunngitsunik atugaqarnissaat siunertaralugu.

Sermitsiaq nr. 7-mi Ilulissani illoqarfimmut pilersaarusiorneq pillugu allaaserisat atuakkit...

Powered by Labrador CMS