Ilisimatusarfimmi aqutsisut nutaat
Ilisimatusarfimmi prorektor instituinilu aqutsisussat kikkuunersut aalajangerneqarpoq.
Ph.d. Uffe Jakobsen Ilimmarfimmi prorektoritut instituimilu aqutsisutut toqqarneqarpoq. Peqqissaanermut Institutimi aqutsisutut toqqarneqarpoq cand.pæd. peqqissaasorlu Suzanne Møller, taama ilisimatitsivoq Ilisimatusarfiup pisortaa Estrid Janussen.
Uffe Jakobsen Københavnip Ilisimatusarfiani Institut for Statsvidenskabimi lektoriusimavoq, tassani Centre for Baltic Sea Region Studiesimi aqutsisuusimalluni.
Uffe Jakobsenip prorektoritut rektorip Ilisimatusarfimmi aqutsinerani ikiortussaavaa, Ilimmarfimmilu instituimi pisortatut institutimi ilinniakkanut sammivinni arfininilli aqutsisuussalluni.
Suzanne Møller ukiuni arlaqartuni peqqissaasunngorniarnermi aqutsisuuvoq, atortittaaminilu institutip ineriartortuarnissa ilisimatusarnissarlu qulakiissavaa.
Institutini aqutsisut rektorimullu tunngasut inissinnerisigut ilisimatusarfiup ineriartortuarnissamik sulineq ingerlateqqinneqarsinnaanngorpoq, Estrid Janussen allappoq.