Dronningip ilivermini eqqaassutissani piareersarpaa

Dronningip uiatalu ilivermi eqqaassutissaat nunatta marmorianik sananeqassaaq.

Ass.: Polfoto/Roskilde Domkirke

Igalaaminermik illerfik napasulianik pingasunik tunngavilik dronning Margrethep prins Henrik-illu toqugunik iliverissavaat. Igalaaminermik illerfiliaq napasulianik pingasunik tunngavilik. Napasuliat pingasut qallunaat kunngeqarfiinut pingasunut tunngatinneqarput: Danmarki, Savalimmiut Kalaallit Nunaallu, taamatut allappoq dr.dk.

Illerfik eqqumiitsuliortumit Bjørn Nøgaardimit ilusilersorneqarsimavoq tallimanngormallu Roskilde Domkirke-mi takutinneqarluni, oqaluffiup avannaa'tungaani Sankt Birgittes Kapel-imittussaq.

Dronningip uiatalu namminneq Bjørn Nørgaard toqqarsimavaat illerfissaminnik sanasussatut, illerfillu ukiuni arfineq-pingasungajanni isertortutumik ilusilersorneqarsimavoq.

- Uanga tunngaviusumik isumassarsiaq saqqummiussimavara sumillu sananeqarnissaa toqqarsimallugu, qularnanngilarlu ilivermi eqqaassutissaammat Ataqqinartorsuaq Kunngikkormiutullu Ataqqinassusilik immikkoortunik arlalinnik kissaateqarsimapput. Taamaattoqartarpoq, Bjørn Nørgaard oqarpoq.

Illerfiliaq, 3 meterinik 30 centimeterinillu takissuseqartussaq takussutissiaannaagallarpoq. Illerfik igalaamineq napasulianik granitinik pingasunik tunngavilik. Napasuliat pingasut qallunaat kunneqarfiannut tunngatinneqarput: Danmarki, Savalimmiut Kalaallit Nunaallu.

Dronningi uialu igalaaminermik illerfiliamiissanngillat. Taassuma ataaniissapput illerfimmili igalaaminermi tarratut naleqqiussimassapput.

Powered by Labrador CMS