Juliep erinarsoqatigiinni erinarsortatut arfineq marluk qinerpai
Marlunngormat tv2-kut aallakaatittakkamut Aalstars-imut misilitsittoqarmat erinarsortattut arfineq marluk angusipput. Julie Berthelsenillu 13-iiaannaat amigaatigilerpai.
Tv-kut aallakaatinneqartartumut Allstars-imut marlunngormat misilitittoqarmat erinarsoqatigiinni erinarsoqataasartut 74-it misilitsikkiartormata Julie Berthelsen ulapaavissorpoq.
Unnuap qeqqalittartorlu erinarsortartoq erinarsoqatigiinni peqataatitassami ilassaannik arfineq marlunnik qinersisimalerpoq. Taakku aallakkaatitassiami Allstars-imi erinarsoqatigiit allat pingasut Niarn-imit, Johnson-imit Rasmus Nøhr-imillu aqunneqartut unammissavaat.
Arfineq marluk taakku kikkuunersut qaammat una kingusinnerusukkut Danmarkimi misilitsittoqarpat kikkuunersut paasiumaarpasi.
Erinarsoqatigiit katillutik inuit 20-iusussaapput, sinnerilu 13-it Julie Berthelsenip sapaammi februarip 21-ianni Nordatlantens Bryggemi misilitsittoqannginnerani nassaarisimasussaavai.
Kisimiillutik erinarsortartunik marlunnik aamma nassaartussaavoq. Krissie Berthelsen Winberg Allstars-ikkunni peqataasussaq oqarpoq.
Nuummi qinigassat taama amerlatigigaluartut 70-it akornanni arfineq marluinnarnik nassaartoqarneranut aamma aningaasanut tunngasut peqqutaaqataapput, Krissie Berthelsen Winberg Katuaminngaanniit oqarpoq.
Erinarsoqatigiit qaammatit aappaat avillugu unammineranni timmisartumik angalanerit, unninnerit Danmarkimilu ineqarnerit Allstar-ikkut akilertussaavaat.