KNR-ip aallakaatitat unitsippai
KNR-ip pisortaasa Sisimiut Tusaataat akuliuffigaat oqaatsit pillugit oqallinnermik tusagassiortumit aaqqissuunneqanngitsumik aallakaatitassiai unitsillugit. Sermitsiaq atuaruk.
Sisimiut Tusaataata ataasinngornermi tulleriinni marlunni KNR-ikkut aallakaatitsisarfini atorlugit Siumup oqaatsit pillugit Sisimiuni oqallitsitsinera aaqqissuunneqanngitsumik aallakaatippai.
Aallakaatitassiat torrutiinnarlugit, sisamanullu immikkoortillugit ataasinngornerit sisamat atorlugit aallakaatitassatut pilersaarutaagaluarput, pilersaarutilli maanna unitsinneqarput.
– Pisimasoq una ajuusaarnarpoq, aallakaatitassiap illuatungeriissitsinertaqanngitsumik imaqartinneqarnera KNR-imiit akuersaarneqanngilaq, aallakaatitassiornermi pisortaq Frederik Lund Sermitsiamut oqarpoq.
Sisimiut Tusaataata pisortaata Jens Klaus Lennertip nassuerutigaa oqallinnerup taama iluseqarluni aallakaatinneqarnera kukkunerusoq.
– Nassuerutigisariaqarpara kukkunerusoq, KNR-illu aalajangiinera akueraarput, Jens Klaus Lennert oqarpoq.