Nunatsinni nunani tamalaanisut ilinniarneq

Sisimiuni nunani issittuni ingeniørissatut ilinniartitaanermi ilinniartut arfineq-marluk nunani tamalaani ilinniartitaanertut ittumi aallartissapput.

Nunanit tamalaaneersut ingeniøritut ilinniartitaanerat Center for Arktisk Teknologi-mi Sisimiuniittumi aallartinneqassaaq. Ilinniartut nunanit tamalaaneersut Sisimiuni ilinniagaqarnerminni semester-imik ingerlatsinissamik neqeroorfigineqassapput. Ass. Arne Willumsen.

Sisimiuni nunani issittuni ingeniørissatut ilinniartitaanermi nunani tamalaani ilinniartitaanertut ittoq siullermeerluni aallartinneqassaaq, Center for Arktisk Teknologi-mi pisortaq, ilisimatooq Arne Villumsen oqarpoq. Artek-ip Kalaallit Nunaanni suliaqanerata tamanna annertusineraa, tamatumalu ilisimaneqarnera annertusiartortillugu ilinniartut amerlasuut nunanit tamalaaneersut tassani ilinniagaqartalissasut Arne Villumsen isumaqarpoq.

Ilinniartut arfineq-marluk ilinniagaqalersussat sap. akunnerani uani Sisimiunut tikipput. Italiamit, Tyskland-imit, Tjekkiet-imit, Sverige-mit, Canadamit aamma Spaniamit pisuupput. Taakku arfineq-marluk saniatigut master-itut diplom-imillu ilinniagaqartussat DTU-meersut ilinniakkaminnut atatillugu ilinniagaqartunut akuulissapput, Kalaallit Nunaanni suliaqarnerminnut atatillugu sivikitsumik peqataassallutik.

Sermitsiaq nr. 8 atuaruk...

Powered by Labrador CMS