Ullaakkut iterluarput
Arfininngormat pisisartut makiaarput, Brugseni ilaasortanut agguagarsitsimmat.
Annonse
Arfininngormat ullaakkut tunniussuussisoqarpoq, ilaasortallu ulaakkut arfineq-marluniit kinguleriaalerput agguagarsiassatik tiguniarlugit.
Ilaasortanut katillugit 32000-inut Kalaallit Nunaanni Brugseni katillugit 7 millioner koruuninik agguagarsisitsivoq. Agguagarsiat, Kalaallit Nunaanni Brugseni-mut, KNB-mut, illoqarfinni arfineq-marlunni 13-inik pisiniarfiutilimmut, ilaasortanut tunniussuunneqarput.
Aningaasat 7.039.000 koruunit ilaasortanut agguaanneqartut takutippaat Kalaallit Nunaanni Brugseni siornamut sanilliullugu siuariaqqissimasoq. Siorna ilaasortanut agguaanneqarput 6,8 millioner koruunit missarpiaat.
Agguagarsisitsisarneq, 2000-imi eqqunneqartoq, ukiut ingerlanerini sisamariaammik annertuseriarsimavoq.