Oqaatsit nunatsinnit bloggerneqarput
Tusagassiortup namminersortup Mads Nyvoldip, Nuuk, politikens Verdensblogimi Nuummi qallunaajuneq oqaluttuaraa.
Qulequtaralugu: Saunamit isertuussat, Mads Nyvoldip Kalaallit Nunaanni marluinnik oqaaseqarfiusumi qallunaajunermik misilittakkani bloggerpai.
'...Matu ammarakku allamiorpaluttumik oqalunnerat unippoq. Ineeqqamut kissartorujussuarmut naluttarfiup uffarfiinit aalaq isaavoq timaallu kiaguppaluttut oqorlugit. Malugisinnaavara misissorluaraannga. Inissarsiorlunga tarrajuttumut inissippunga.
Oqalunnerat nangeqqippoq. Tamatumuuna qallunaatut.
Inuk-p qernertormiu tunuminiittoq takusimanngilaa. Qeqertormiup tuiativut toorpaa aniniarami. Inuup saappaa. Taassalu qernertormiuik. Qernertuinnaq. Inuup isai qaqorluinnartut takusinnaavai. Qummut pissippoq qilaamullu aporluni. aap Inuk saunap kissarsuutaanut nakkangajaqaaq! Ha! Ha! Ha!
Angutit kalaallit uppatitik pattappaat. Nilliapput, sivikinnerpaamillu sekundini 15-ini illarlutik. Ilaqataavunga.
Nunarsuarmi qeqertat annersaanni qallunaajulluni misigikulanartarpoq kalaallisut oqallisileruttortunik naapitsisarneq. Ilaannikkut ilisarisimasanik, ilaanni takornartanik. Taamaakkaluartoq tamatigut imaasiallaannaq qisuariartarput. Oqaatsit allanngortarput...' issuaaneq naavoq.
Mads Nyvold, Nuummi tusagassiortutut namminersortutut sulisoq, nangilluni allappoq Kalaallit Nunaat namminersulersimagaluartoq qallunaanik sulisartunik tusintilinnik suli isumalluuteqassasoq.
Taamaakkaluartoq marluinnik oqaaseqarneq qamuuna ilukkut arrannartoqartarpoq. Ulluinnarni eqqaassutissaavoq ukiuni untritilikkaani nunasisunut maniguussimanermut, allappoq.