Nersornaatisinissaq kinguarpoq
Peter Rosvig Pedersenip sapiitsuliorsimasutut akissarsiassani napparsimasoqarnera pissutigalugu tigunngikkallassavaa.
Peter Rosvig Pedersen sapiitsuliorsimasutut Københavnimi politidirektørip allaffiani ataasinngornermi ualikkut nersornaatisiassaminik tunineqartussaagaluarpoq.
Ilaquttaminilli napparsimasoqarnera pissutigalugu Peter Rosvig Pedersen aggersinnaanani nalunaarsimavoq, Københavnip politiivini paasissutissiisartoq Flemming Steen Munch taamatut ilisimatitsivoq.
Nersornaatisisussatut Kalaallit Nunaanni politimesterip inassutigisimavaa, Peter Rosvig Pedersenilu Danmarkimi najugaqarmat nersornaat Københavnimi politiinut tunniuteqqusimallugu.
Kalaallit Nunaanni politimesterillu aamma Peter Rosvig Pedersen sapiitsuliortutut nersornaasigassatut Carnegies Belønnings for Heltemod-imut aamma inassutigisimavaa.
Peter Rosvig Pedersen 2008-imi aasakkut takornarissat angallataanni M/S Kisaq-mi inuttaatilluni inummik sermip kuuanut nakkartumik sapiitsuliorluni annassiniarsimanini pillugu nersornaaserneqassaaq.