Ilisimatusarfiup aaqqissuussaaneq nutaaq aallartippaa
Ilisimatusarfimmi aaqqissuussaaneq nutaaq aallartinneqassaaq, ilinniartitaanermik nukittorsaallunilu pitsannguutinik nutaanik allanut sunniuteqartunik pilersitsisussaq.
Ullumi Ilisimatusarfimmi siulersuisut ataatsimiinnerminni aningaasanut missingersuut akuerissavaat, siusinnerusukkut ilinniarfiit ataasiakkaarsimasut ilinniarfinnut pingasunut anginernut, Institut for Ilimmarfik, Institut for Læring aamma Institut for Sygepleje og Sundhedsvidenskab, kattunnerannik imaqartoq.
Kattunnissaat piffissami sivisuumi piareersarneqarsimavoq, tusagassiuutitigullu nalunaarummi siulersuisut nalunaarutigaat, suleqatigiinnerup nutaap pilersinnerani tamanna pitsaasumik allanut sunniuteqassasoq neriuutigalugu.
Ilisimatusarfik EU-mi Erasmus University Charterimik tunineqaqqammerpoq, tamannalu tassaavoq nersuiniarneq ilisimatusartut ilinniartitsisulu paarlaateqatigiissinnaanerisa, nunanilu allani ilisimatusarfinni ilinniartitsinermik ilisimatusarnermillu suleqateqarsinnaanermut periarfissanik nukittorsaasoq.
Siulersuisut ataatsimiinnerani tikilluaqquneqarput Inoqut Kristensen aamma Henning Salling Olesen, siulersuisunut ilaasortanut Lone Rosengreen Pedersen, Robert Mossing aamma Najârak´ Svendsenimut taarsiisut.