Isornartorsiorneqareerluni siulittaasoq tunuarpoq
Aalborgimi Kalaallit Illuutaat nutaamik siulittaasortaarpoq, Mogens Sørensen isornartorsiorneqareersorlu.
Aalborgimi Kalaallit Illuutaani siulittaasoq Mogens Sørensen siulittaasuunerminit tuniartariaqarpoq, illup aningaasaataanik atuinermini annertuumik isornartorsiorneqareerluni.
Taama allappoq Nordjyske.
Ilaatigut siorna marsimi 60-inik ukioqalerami illup aningaasaatai atorlugit nalliuttorsiorpoq. Siorna siulittaasoq pisortarlu nutaaq aappatillu ullut 14-init angalapput, siunertaalluni ulluinnarni aqutsisup nutaap Kalaallit Nunaannut ilisaritinnissaa. Aamma ukiuni arfineq pingasuni siulittaasuunermini arfineq marloriarluni Kalaallit Nunaannut tikeraarpoq.
Siulersuisunut ilannguppoq Lars Bang Jensen (S). Siulersuisut marsimi inissitsitissapput.
Kalaallit Illuutaat ukiumut Aalborgip Kommuneaniit 1,8 mio. koruuninik taperneqartarpoq assinganillu Namminersorlutik Oqartussaniit.