Ataataqanngitsut atugarisaat pitsaanerulissapput
Pingasunngornermi apriilip 7-ani peqatigiiffik alloriarnissap suunissaa pillugu ataatsimiinnissamut qaaqqusivoq.
Suliniuteqartuupput innuttaasut inatsisitigut ataataqanngitsut, kalaallimik anaanaqarlutik qallunaamillu nalusaminnik ataataqarlutik peroriartorsimasut.
Innuttaasut taaku inatsisitigut sumiiffeqanngillat, 1963-ip siorna nunatta kitaani uersakkat, 1974-illu kingorna nunatta avannaani Tunumilu uersakkat inatsisit aallaavigalugit ataatassarsiuussinissamut tunngatillugu pisinnaatitaaffeqannginnamik.
Suleqagtigiit Nuummi inatsisitigut ataataqanngitsut ilaatigut suleriaqqinnissaminnut sorpiaat tunngavigissanerlugit eqqartussavaat, soorlu peqatigiffiup suna siunertarissaneraa suullu suliniutigineqassanersut.
Anne Sofie Hardenbergip aamma Pia Christensen Bangip atuakkiaat "Ataatamik ilungersuuteqarneq" saqqummereersorlu upernaaq manna qulequtaq taanna assut sammineqalerpoq.