Takornariaq niaqqumik eqqunngitsumik angerlaassivoq
Tammajuitsussarsiniarluni aallaaniariartorluni Kangerlussuarmiissimaneq pillugu maalaarut angalanerit pillugit maalaaruteqartarfiup paatsivissaqartinngilaa.
Kangerlussuarmi umimmaat tamarmik assigiippat?
- Naamik, takornariaq Sakskøbingimeersoq oqarpoq, taamaattumillu angalatitsivik Grønlandseksperten maalaarutigalugu 11.000 kroninillu taarsiivigineqarnissamik piumasaqarluni.
Takornariaq inuit marluk poorskikkunni Kangerlussualiarnissaannik pisisimavoq, marluullutik tamakkiisumik nerisaqartarlutik akunnittarfimmi Old Campimi najugaqassallutik.
Takornariap aamma pisiarisimavai qimussimik angalanissaq kiisalu ilitsersuisoqarluni qamuteralannik aallaaniarluni angalanissaq, tassanilu umimmammik pisaqarsinnaassalluni.
Inuit marluk poorskikkunni Kangerlussuarmut angalanissaat katillugit 40.425 kroninik akeqarsimavoq.
Tammajuitsussarsiniarluni aallaaniarneq
Tammajuitsussanik aallaaniarneq pilersaarutit malillugit ingerlavoq, angullu umimmammik kusanartumik pisaqarpoq.
Angutilli poorskikkunni Kalaallit Nunaaneereersinnarluni Sakskøbingimut uterluni pisami niaqua puuiaramiuk umimmattarisimasani ilisarisinnaanngilaa.
Angalatitsiviup niaqoq eqqortuunngitsoq nassiussimavaa, niaqorlu eqqortoq tammarsimannguatsiarpoq.
Allaaserisap sinnera Sermitsiami nr. 3-mi atuaruk...