Haitimut millionip affai
Lions Club Haitimi ajunaarnersuarmi ikiuutissatut 500.000 koruuninik tunniussivoq.
Lions Club Nuuk peqataavoq, Danmarkimi Lions Clubip Ajunaarnersuarmut Ikiorsiissuteqarnermullu Aningaasaateqarfia 500.000 koruuninik aningaasaliissuteqarmat, Haitimi nunap sajorujussuarnerani eqqorneqartut ikiorneqarnissaannut atorneqartussanik.
Tamatumuuna ikiorsiissutit tunniunneqarput Læger uden Grænser aqqutigalugu, aningaasaateqarfiup siusinnerusukkut qanimut suleqatigisarsimasaa.
Lions Club Nuuk Haitimi ajunaarnersuarmi ikiuiniarnermut 3.000 dollarsinik, tassa 16.000 koruuninik, tunniussivoq.
Ikiuiniarnermi siullermik sammineqassapput imermik minguitsumik, nerisassanik, nakorsaatinik pisariaqartitanillu allanik pissarsiniarnermut.
Lions Clubip Haitimi inunnik ikiuiniarnera tapersersorneqarsinnaavoq Danske Bankimi kontumut uunga tunisilluni 3543 - 35435031, nalunaaqutserlugu donationen HAITI.