Emma inuulluaqqullugu ilasseqatigiinneq
Domprovst Emma Balslev, soraarninngorluni Danmarkimut nuulersoq, Katuami tallimanngormat inuulluaqqullugu ilasseqatigiittoqarpoq.
Annonse
Tallimanngormat januaarip 22-anni domprovst Emma Balslev inuulluaqqullugu Katuami ilasseqatigiittoqarpoq.
Inuulluaqqusilluni ilasseqatigiinnermi nersornaat dannebrogsorden 2009-mi decembarip 18-ianni namminerminut tunniunneqartoq, tulluusimaarluni takutippaa.
Emma Balslev tallimanngormat naggammik sulivoq, sapaammilu januaarip 10-anni naggataamik naalagiartitsilluni. Naalagiarnerup kingorna katersortarfimmi kaffillertoqarluni.
Pingasunngornermi januaarip 13-ianni Nuummi ilagiit Emma Balslev inuulluaqquniarlugu ikumatitalerlutik ingerlaaqatigiipput, tamatumani 100-t sinneqartut peqataallutik.