Sinersortaateqarnerup siunissaa nalorninartoq
Arctic Umiaq Line ingerlanneqarunnaalerpoq – Naalakkersuisut aningaasaliinerisigut taamaallaat umiarsuaatileqatigiit ingerlaannarsinnaapput.
- Air Greenlandip Arctic Umiaq Linellu akigititai imminnut qanittut malugisinnaavarput. 2009 sinersortaatitsinnut ilaasut ikinnerupput. Ingamiik takornariat takkutinngillat, taamaalilluta marloqiusamik ajornartosiuteqalerluta, Jette Larsen Arctic Umiaq Linemi pisortaq oqarpoq, umiarsuaatigaallu sinersortaat Sarfaq Ittuk, kujataani Qaqortumiit avannamut Ilulissanut sinersortartoq.
Angalassineq taanna aggustip naanerani ukioq manna angallassineq naammassippat ingerlaannassanersoq suli ilisimaneqanngilaq, tamannalu upernaamut angallannermut ataatsimiititaliarsuup ilaatigut aalajangiivigissavaa. Taamaassappat umiarsuup ingerlanneranut milliuunilikkaanik aningaasaliisoqartariaqassaaq. Ukiuni pingasuni kingullerni umiarsuaatileqatigiiffik amigartoornissamut ukiumut 5 million koruuninik pisortaniit qularnaveeqquserneqarsimavoq. Tamanna 2009-mi tamakkiisumik atorneqarpoq, tassani Arctic Umiaq Linemiit piginnittut marluk - Air Greenland aamma Royal Arctic Line - suli amigartoornermut aningaasatigut tapersiisariaqarsimallutik.
AG-mi sukumiinerusumik atuaruk.