Meeqqat nakorsiartut malittarisassiuunneqartariaqarsorai
Napparsimasut peqatigiiffianni siulittaasoq Astrid Hansen Hard isumaqarpoq meeqqat nakorsiaraangamik immikkut pineqartariaqartut nakkutigineqartariaqarlutillu.
- Meeqqat anniaatertik iluamik oqaatigisinnaaneq ajorpaat. Taamaammat pingaartorujussuuvoq taakku misissorluarneqarnissaannut malittariassaqarnissaa, Astrid Hansen Hard KNR-ip Radioaviisianut oqarpoq.
Niviarsiaraq 10-nik ukiulik qanittukktu toquvoq qipinnguluttoq paasineqanngitsoorluni.
Narsami pisimasumut assingusumik pisoqaqqinnginnissaa Astrid Hansen Hardip neriuutigaa, naallu Narsami pisimasoq akisugaluaqisoq ilinniutigisariaqaripput taassuma aamma oqaatigaa.
Astrid Hansen Hardilu aamma isumaqarpoq napparsimasut peqqinnissaqarfimmi atukkat pillugit isorinninnerusinnaasut:
- Narrusinnaavugut aamma taanna pisinnaatitaaffiusariaqarpoq, nakorsiartarnerigaluit iluatsinngippata narrusinnaatitaasariaqarpugut, napparsimasut peqatigiiffianni siulittaasoq Astrid Hansen Hard oqarpoq.