Kalaallit meerartaannut millionip affai
Rasmus Ott-ip, juullimut ammartakkamit ´Jesus og Josefine´-meersup Foreningen Grønlandske Børnimut checki 500.000 koruuninik aningaasartalik tunniuppaa.
Juullip ammartagaanit ´Jesus og Josefine´-mi isiginnaartitsisartut inuuusuttut marluk decembarimi TV2-mi nalorsitsaarilluni aallakaatitassiami ´Hvem vil være millionær´imi 500.000 koruuninik eqquipput. Taamani aalajangerput aningaasat Foreningen Grønlandske Børn-ip (FGB) pissagai.
Arfininngormat Rasmus Ottip checki peqatigiiffiup generalsekretærianut Tina Frausingimut tunniuppaa, peqatigiiffiup Glostrup Hallenimi ussagarneqarlutumik ajunngisaarniarluni aaqqissuussinerani.
Aningaasat atorneqassapput meeqqat ilaqutariinnik aalajangersimasunik attaveqarfeqalersinnissaannut.
- Ilaqutariinnik attaveqarfinnik suliniut nutaaq aallartissimavarput, tassani meeqqat atugaqarnerluttut qaammammut ataasiarlutik ilaqutariinnik ingerlalluartunik attaveqartassallutik. Ilaqutariinni inooqatigiilluarneq misigisinnaavaat, sungiusimasaminnit allaanerusoq, Tina Frausing oqaluttuarpoq.
FGB suliniummi ´Et godt liv i Danmark´-imi ilaqutariinnik attaveqarnermik misilittagaqarluarpoq, tamakkua kalaallit meerartaasa kisermaanik, Danmarkimi inuunermut akulerukkuminaatsitsisunik angajoqqaallit, attaveqarfigisarlugit.