Nakorsaq: Sulisinnaannginnermut uppernarsaat atorunnaarsilli

Sulisinnaannginnermut uppernarsaammik immersuisarnermut, amerlanertigut pisariaqanngitsumut, piffissaq atorneqartartoq Nuummi nakorsiartarfimmi nakorsat qatsuppaat.

Nuup nakorsaqarfiani nakorsaaneq Jesper S. Olesen. Ass.: Leiff Josefsen.

- Inuit napparsimasut ikiornissaannut piffissarput ilinniarsimasarpullu atorusunneruarput, Nuup nakorsiartarfiani pisortaq Jesper S. Olesen oqarpoq.

- Sulisinnaannginnermut uppernarsaatit agguaqatigiissillugu 10-t missaat nakorsat ullormut immersortarpaat. Sisamarterutaanni nakorsiartut oqaluttuaat maliinnartarpaat - tassalu ulluni marlussunni napparsimasimasoq, maannalu peqqissisimasoq.

- Uppernarsaatissat ilaat atorsinnaanngitsutut isumaqarfigaavut. Napparsimasup ulluni arlalinni napparsimasimanini sulisitsisuminut oqaluttuariinnarsinnaavaa, Jesper S. Olesen oqarpoq.

Sinnera AG-mi ullumi saqqummersumi atuaruk.

Powered by Labrador CMS