Biiliinut allaffik naqinnissaaruppoq

Danmarkimi akileraartarnermut pisortaqarfimmi biilinut mmikkoortortaqarfik qanittukkut naqinnernik amigaateqalerpoq. Naqinnerit ataatsimoortut ZZ kisitsisinik tallimanik kinguleqartut nungussimapput, naqinnerillu Æ, Ø aamma Å tassani atorsinnaanatik.

Taava qanoq iliortoqassava? Aallaqqaataaniit aallarteqqilluni? Tamanna Kristilegt Dagbladimip tunuani Akileraarnermut pisortaqarfimmi biilinut immikkoortortami siunnersortaanermut Michael Munkebækimut apeqqutigaa.

Naqinnerit ataatsimoortut ilaat oqaluttuarisaanermut tunngatillugu inniminnigaapput - tassalu biili ima pisoqaatigippat biilitut eriagisassatut naatsorsuunneqarluni. Normut ilaat biilinut EU-miittunuut atugassiaapput.

Allamik pissaqannginneq peqqutigalugu Akileraartarnermut pisortaqarfimmi naqinnerit ataatsimoortut Savalimmiuni Kalaallillu Nunaanni atugassatut inniminnikkat atortariaqarpaat. Savalimmiut nammineerlutik systemeqalersimapput, Kalaalillu Nunaanni naqinnermik ataatsimik suli atuisoqarluni.

- Maannakkuugallartoq biilinut normunik F-imik G-millu aallartittunik normulersuivugut, Michael Munkebæk Kristilegt Dagbladimut oqarpoq.

Maannakkulu biilit normuinik WC-imik aallarniuteqartunik siumuisoqarsinnaalerpoq...