Utoqqalinersiutilik eqqugassat annersaannik eqquisoq

Pisiffiup juullimut unammisitsinerani eqquisoq makinneqarpoq.

Qaqortumi Pisiffimmi tullersorti Bent Zethsen Hans Kleistip angerlarsimaffianukarluni tusagassamik nuannersumik tusarliiartorpoq. Assi: Pisiffik

Pisiffiup pisiniarfiinut tamanut gavekortimik 50.000,- koruuninik aningaasartalimmik eqquisuuvoq Hans Kleist Qaqortumeersoq.

Eqqugassaq anneq tassaavoq gavekorti 50.000 koruuninik aningaasartalik, pisiat allagartaasa 150.000-it missaanniittut, kujataani Qaqortumiit avannaani Ilulissat tikillugit Pisiffiup pisiniarfiinut tamanut tunniunneqarsimasut, akornanni makinneqartussaasimasoq.

Eqquisoq Sisimiuni Pisiffiup qullersaqarfiani makinneqarpoq makitsisoqaralugu eqqartuussisuugallartoq Louise Skifte.

Powered by Labrador CMS