Qaqortumi ulussaarsuaq
Niuernermik Ilinniarfimmi ilinniartut najugaqarfiiniit unnuaq qimarngunneqarput, qaliata tinginnissaa ernummatigineqarmat.
Annonse
Unnuaq Qaqortumi ulussaarsuarneraniit angallalit arlallit kivisimapput illullu qaliat ajoquserlutik. Unnuaq Niuernermik Ilinniarfimmi ilinniartut najugaqarfimminniit qingarngunneqartariaqarsimapput, Ny Vestervejimi illup qaliaasaata tinginnera peqqutigalugu.
- Qaliata tinginnissaa ernummatigigatsigu aalajangerpugut kolegiani najugaqartut qimarngunniarlugit, Qaqortumi politiini ulluinnarni aqutsisoq Bent Ole Kleist oqarpoq.
DMI-mi naapertorlugu nunatta kujataani anorersuup sakkortussusiata sekundimut 46 meterit angusarpaa.
Aamma Illoqarfittaartugaani Poul Ibsensvejimi illup pisoqqap qaliaata ilaa tingippoq.
Maannakkut anori sakkukilliimisimalerpoq saliinerlu aallartinneqarluni, assilisoq Ole G. Jensen oqaluttuarpoq.