Sanaartugassarpassuit pillugit sakkortuuliorneq
Ineqarnermut naalakkersuisoqarfik sanatitsisartut annersarilluinnarpaat, nalitsinnilu nunatsinni sanaartugassat annersaat pillugit isornartorsiuineq tassanngaanniit isornartorsiorneqarpoq
Nuup immikkoortuani Qinngutsinni 300-nik illuliornissaq illussanik titartaasartut marluk isornartorsiornikuuaat. Illussanik titartaasartup Peter Barfodip illuliassat alanngumiittussaanerat isornartorsiorpaa, illussanillu titartaasartup Thomas Riisip illorsualiassat qanoq inissitsiterneqarnissaat isornartorsiorlugu. Illussanik titartaasartut marluullutik sanaartukkat taamaattut naleqqutinnginnerarpaat, kommunillu illunik assigiinngiiaartunik qinigassaqarnissaanik oqarnera naammassineqannginnerarlugu.
Aqutsisoqarfimmi pisortaq Olafur P. Nielsen, Namminersorlutik Oqartussat sanaartornissamut pilersaarutaanni sanatitsisumut sinniisaasoq tassunga tunngatillugu oqarpoq, illussanik titartaasartut tassani pineqartut nammineq suliakkerneqarsimannginnertik naammaginngikkaat. »Mamaatsoortunuku« isornartorsiuisut akivai.
Olafur P. Nielsenip politikikkut qullersaraa Jens B. Frederiksen, Demokraatit, ineqarnermut, attaveqarnermut angallannermullu naalakkersuisoq.
Tassunga uanga oqaaseqassanngilanga.