Silaanaap aalarulunnerata angalasut kinguaatoortippai
Narsarsuaq aqqusaarlugu Københavnimut ilaasussat silaannaap aalarulunneranik Nuummut uterput.
Ilaasunit 39-nit Narsarsuarliartunit 15-it Danmarkimut ingerlaqqittussaagaluarput, pingasunngormalli Kangerlussuarmukaanneqarput. Timmisartoq Nuummiit Narsarsualiartoq Nuummut utertariaqarsimavoq silaannaap sakkortuumik aalarulunnera peqqutigalugu.
Air Greenlandimi sullissiviup Narsarsuarliartussat sinneri aqagu ullakkut angallannissaat sulissutigaa, kujataaniillu ilaasussat 38-it Nuummut utertillugit.
Timminissaq alla aamma ullumi allamukartariaqarsimavoq.
Timmisartoq Dash 7 Upernavimmiit Qaanaaliartoq Qaanaami missinnaasimanngilaq nuissat appasippallaarnerat peqqutigalugu Upernavimmullu utertariaqarsimalluni.
Ilaasut qulit ilaasorineqarput, 16-illu utimut Upernavimmut ilaasussaasimagaluarput. Taarsiullugu arfininngorpat immikkut ittumik timmisartuliisoqassaaq, tassalu ullu timmisartuussiffiusinnaasoq siulleq, Air Greenland nalunaarpoq.