Mælkebøtten 15.000 kroninnappoq
Telep pisortaanerata 50-iliinermini tunissutisiani Nuummi meeqqat ornittagaannut Mælkebøttenimut tunniupppai. Grønlandsbanken aamma tukkusaarsimavoq.
Tele Greenlandimi pisortaaneq Brian Buus Pedersen februaarip 1-anni 50-iliivoq, tassungalu atatillugu nalunaarutigaa tunisiniartut aningaasanik tunisissasut, taakkulu meeqqat illuanut Nuummiittumut Mælkebøttenimut ingerlateqqinniarini.
Brian Buus Pedersenip tunissutisiani 15.000 kronit Mælkebøttenimi pisortamut Kirsten Ørgaardimut pingasunngornermi tunniuppai. Aningaasat sannavissami, cykelinullu iluarsaasarfissami sakkussanut atorneqassaapput.
3.200 kronit Tele-Postimi sulisunit tunissutaapput, Tele Greenlandimi siulersuisut taakku marloriaatinngortippaat aningaasallu sinneri Brian Buus Pedersenip 50-iliinerani qaaqqusat tunnissutigaat.
Grønlandsbanken aamma Mælkebøttenimut aningaasannanniarsimavoq. Bankip eqqumiitsuliaataanik pingasunngornermi akitsorterisoqarmat 34.000 kronit isertinneqartut, meeqqat ornittagaannut tunniunneqassasut, Grønlandsbankip tusagassisartua Stine Dudda unnersiorpoq.