Pia Arkep eqqumiitsuliai soqutigineqarluarput
Pia Arkep eqqumiitsuliaanik, Inuit kulturikkut pigisaannik Nationalmuseet Etnografiskip katersugaataaniittunik saqqummersitsineq Danmarkimi alutorineqarpoq.
Pia Arkeugaluup, qallunaamik ataataqarlunilu kalaallimik anaanaqarami imminut 'akusapalaamik' taasarsimasup, eqqumiitsuliai maanna Nationalmuseets Etnografiske samlingimi saqqummersinneqarput. Saqqummersitat Politikenimit Kunstens.nu-millu assigiinngitsunik nalilerneqarput.
Naliliisut marluullutik isumaqarput Pia Arke aalassatsitsillunilu eqqarsalersitsisartoq, assersuutigalugu nammineq seeqqineqarluni mattaangalluni qeqarluni qaqqarsuarmut isigaluni assilialiaa.
Kunstens.nu-mi naliliisartoq allappoq eqqumiitsuliai tassaanngitsut Kalaallit Nunaanni nalinginnaasumik naapittakkavut: Qajaq, kalaallisuut, kalaallit piniutaat, tiffasit tupilaallu. Pia Arkep saqqummersitaatalu naapinnerat sunnerfigitinngitsoorsinnaanngilarput. Pia Arkep tinnersaarpalaartumik eqqumiitsiaasigut uagut qallunaanit inuttut pissuserput Kalaallit Nunaannit isigitinniarneqarpoq.
Politikenip naliliisartua allappoq: Arke nalissaqanngingajappoq, qiperukkamigut takutitsilluaatigaluni inuit immikkoortitat pineqarnerat qungujunnartumik takutippaa. Tunngavissaqarluartumik, tamakkumi amerlaqisunit soqutigineqaqqaat. Danmarkimi Kalaallit Nunaannilu.
Saqqummersitsineq, Tupilakosaurus – Pia Arkep eqqumiitsulianik, kinaassutsimik nunasiaanermillu allatut isiginninnera, nunatsinni aamma takuneqarsinnaassaaq Nuummi Katuami aamma Kalaallit Nunaata Katersugaasiviani Allagaateqarfianilu marsip 5-anniit apriilip 4-annut 2010, Sverigemilu Umiå-mi BildMuseet-imi juunip 6-anniit septembarip 26-annut 2010.
Pia Arke 2007-imi toquvoq 48-uunnarnik ukioqarluni.