Katersat amerliartorusaarput
Kalaaliit Røde Korsiata Haitimi nunap sajunnerani eqqugaasunut 650.000 kronit katersorsimalerpai.
Annonse
Kalaallit Røde Korsiata (KRK) nuna tamakkerlugu katersuiniarnera sapaatip akunnerini pingasuni ingerlasimalerpoq.
Maannakkut 650.000 kronit missat katersorneqarput, nunatsinnilu sumi tamarmi Haitimi ikiuinissamut atugassanik aningaasanik amerlanerusunik katersuiniarnermi suliniuterpassuupput, KRK allappoq.
Peqatigiiffup erseqqissarpaa, Kalaallit Røde Korsiata nunatsinni tamarmi innuttaasut katersuiniarnermi tapersiiniutaat annertoqisut qujamasuutigeqalugit. Aningaasat tamarmik atorfissaqarput.
Kalaallit Røde Korsiata aningaasat katersugai tamakkerlutik Dansk Røde Korsimut ingerlatinneqassapput, katersuiniarneq februaarip 28-ani naammassippat, taamaalilluni Haitimi Røde Korsip suliniutaannut ilanngunneqassalutik.