Kilisaatip naalagaa Ukioq manna Sapiitsuliortutut innersuunneqartoq
Kaptajn Bo Basse Mortensen nersornaaserneqarnissamut innersuunneqarpoq 2008-mi timmisartuaqqap ajutoornerani timmisartortartut marluk puttaamiittut annaakkamigit.
Annonse
Jyllands-Posten aamma Tryg Fonden Ukioq manna Sapiitsuliortumik toqqaasarnermi aallarniisuupput.
Kilisaat "Atlantic Enterprise" decembarimi 2008-mi immami Kalaallit Nunaata Canadallu akornanni kilisatsilluni timmisartortartunik marlunnik ujaasisuni peqataalerpoq timmisartuaqqap Cessnap ajutoornerani ilaasuusut. Timmisartup motoorii marluk unissimapput.
Timmisartortartup sumiinnini kingullertut nalunaarutigisimavaa, tassalu 180 sømil - imaluunniit 330 km - Atlantic Enterprisemiit.
Kilisaatip timmisartortartut taakku marluk nassaarai puttaamiittut, isikkamikkut qerussorsimasut, ajutoornermi timmisartumik minnermik kingorna akunnerit 16-it qaangiuttullu.