Kalaallit Nunaanni nuannaarneq tulluusimaarnerlu atugaapput
Aasaq namminersorlutik oqartussat eqqunneqarnerannut atatillugu Dronningip prins Henrik-llu Nuummut tikeraarnertik eqqaavaa.
- Ukioq manna Kalaallit Nunaanni namminersorlutik oqartussat nutaat eqqunneqarput. Prinsgemalimut uannullu Kunngissamullu misigisaq angisuujusimavoq ullormi inuiattut nalliuttorsiorfimmi juunip 21-ianni najuussimanerput.
- Sakkortuumik malugaarput kalaallit nuannaartut tulluusimaartullu, siunissamilu suliassat tigunissaannut piumassuseqarluarneq, ulluni taakkunani sakkortuumik malunnartumik.
- Kissalaartumik tikilluaqquneqarnerput qutsatigerusupparput Kalaallit Nunaallu innuttaalu siunissami tamanik pitsaasunik kissaallutigit. Ukiortaami qamannga pisumik tamassi pilluaritsi.
Aamma Savalimmiut ukiortaami oqalugiarnermini eqqaavai atlantikullu avannaani qeqertat tikeraarumaarlugit Dronningi neriorsuivoq.
- Aamma unnuk manna Savalimmiut ukiortaami pilluaqqorusuppakka. Neriuppunga Prinsgemalilu aasaru qeqertat tikeraarumaarlutigit. Savalimmiut savammiormiullu takoqqinnissaat tamatigut qilanaarisarpara.