Nuummi timersortartut ulluat
Timersoqatigiiffiit Nuummilu innuttaasut januaarip 6-ianni Nuummi Timersortarfissuarmi timersortartut ulluata nalliussineqarnissaanut qaaqquneqarput.
Kunngit Pingasut ulluanni, pingasunngornermi januaarip 6-ianni Nuup Timersortarfissuani Ukiumi Timersortartut Ullut nalliussineqassaaq, taamatut allappoq sermersooq.gl.
Timersoqatigiiffiit Nuummilu innuttaasut timersortartut ulluata nalliussineqarnissaanut, nal. 14-imiit 16-imut ingerlanneqartussamut, qaaqquneqarput.
Aaqqissuussinermi nunatsinni pissartanut, nunarsuarmi pissartanut, europami pissartanut, nunani avannarlerni pissartanut kiisalu danmarkimi pissartanut atuakkamik Sportsårbogen diplominillu agguaassisoqassaaq.
Aamma Ukiumni timersullammannik, angummik arnamillu, Ukiumi pisortamik, Ukiumi sungiusaasumik, Ukiumi piukkunnaatilimmik, Ukiumi holdimik toqqaasoqassaaq kiisalu kajumissaatinik agguaassisoqassalluni.
Pisarnertut meeqqat orpiliartinneqassapput mamakujuttunillu agguarneqassallutik.
Erinarsoqatigiit N.I.P.E. aamma Nordisk Koncertkor aaqqissuussinermi juullisiutinik atuissapput, timersortartullu ullut naggaserneqassaaq qummoroortarnermik, taamatut paasissutissiivoq Kommuneqarfik Sermersuumi timersornermut siunnersorti Steffen Silassen.