Uumasuaqqat ilteqanngitsumi uumalluartut

Nunarsuarmi innuneq ilteqanngitsumi aallartissimasinnaalluarpoq, ilisimatuut uumasuaqqanik ilaatigut Kalaallit Nunaanni misissuisimasut taama isumaqarput.

Qalerualeeqqat nitratimik najuussuillutik uumasinnaapput. Manna tikillugu ilimagisat akimorluinnarlugit nunarsuarmi uumasut piorsarluarsimanerusut ilteqanngitsumi aallartissimasinnaapput, ilisimatuut uumasuaqqanik misissuisimasut taamatut isumaqarput, politiken.dk taamatut allappoq.

Nalinginnaasumik isumaqartoqartarpoq, Nunarsuarmi uumasussillit pingaarnerusutukiut 1,5-2 milliartit siornatigut bakterianinngaanniit ilt-imik anersaartuuteqarnikkut pilersimasut. Taamatulli isumaqarneq ilisimatuutut misissuinerup qallunaanit aqunneqartup allanngoriarterujussuarpaa.

Nutaamik misissuinikkut paasineqarmat, uumasuararpassuaqartoq ataasiinnarnik cellelinnik, ilti pinnagu nitratimilli anersaartuuteqarlutik ajunngivissumik uumasunik.

Uumasuarannguillu millimeterinik marlussunnik angissusillit, foraminifererinik taaneqartartut tamakkua, bakteriat aallaavigalugi nunarsuarmi uumasunut arlalinnik cellelinnut aallarniutaasimammata isumaqarnarluinnarpoq tamanna ilteqanngitsumi pisimassasoq. Kingusinnerusukkullu aatsaat naasut aammalu uumasut inuillu iltimik pinngitsuuisinnaanngitsut pilersimapput.

Frankrigimi, Schweizimi Kalaallit Nunaannilu ilisimatuutut misissuisartoqatini suleqatigalugit mikrobiolog Risgaard-Petersen, Århus Universitetimi Center for Geomikrobiologimeersoq kuuit, immat kangerluillu naqqiniit uumasuaqqanik katersuisnnarluni tamakku ilti pinngagu nitratimilli anersaartuuteqarnerannik misissisimavoq. Uumasuaqqat nitratimik atuisut taama amerlatiginerat tupaallaatigineqarpoq, taamaaliortarnerlu taamaallaat bakterianit atugaasutut isigineqartarsimagaluarpoq.

– Tamakku Skagerrakimit, Manerassuarmi, Bisayabugtimi, Kalaallit Nunaanni kuussuullu Rhônep akuani nassaaraagut. Paasivarpullu foraminefererit assigiiaartorpassuusut nitratimillu anersaartuuteqartut, Nils Risgaard-Petersen oqarpoq.

Powered by Labrador CMS