Innuttaasunik pitsaanerusumik sullissineq suli anguniagaavoq
KANUKOKA-p siulittaasuata ukiortaami oqalugiarnermini kommunini nutaani politikkikkut allaffissornikkullu pisortat nersualaarpai, aaqqissuusseqqinnerup innuttaasunik pitsaanerusumik assigiiaarnerusumillu sullissinissamik kinguneqarnissaanik suliniuteqarluarnerat pissutigalugu.
- Kommunini nutaani politikkikkut allaffissornikkullu pisortat nersualaarneqarnissaannut tunngavissaqarpoq, aaqqissuusseqqinnerup innuttaasunik pitsaanerusumik assigiiaarnerusumillu sullinneqarnissaanik suliniuteqarluarnerat pissutigalugu, tamannalu aaqqissuusseqqinnermut peqataanissamut kommunit tamatigug pingaarnerusutut tunngavissaritissimavaat.
- Pingaarnerusumik tunngavissaq tamanna attatiinnarparput. Tamanna erseqqissaatigerusuppara isummat, ukiumi siuliani aaqqissuusseqqinnermut tamarmut sipaarniuteqarnissat pingaarnerusutut siunertatut erseqqissaatigineqartarsimasut akerliliarniarlugit, KANUKOKA-p siulittaasua Enok Sandgreen, Siumut, ukiortaami oqalugiaammini oqarpoq.
Aamma ukiortaami oqalugiarnermini erseqqissarpaa pingaaruteqartoq eqqaamassallugu aaqqissuusseqqinneq aamma eqqarsaatigineqarsimammat nunap immikkoortuani ineriartornermik, aningaasarsiornermik isumaginninnermilu pilersitsinissamut atortussatut.
- Ineriartorneq taamattoq - innuttaasunik pitsaanerusumik assigiiaarnerusumillu sullissinermik pilersitsinissami aamma pingaarutilik - minnerunngitsumik qitiusumik oqartussaasunit tapersersorneqassaaq, tassa aaqqissuusseqqinneq Namminersorlutik Oqartussat kommunillu ataatsimut suliniutigisuummassuk.
Enok Sandgreenip oqalugiarnermini aamma meeqqat inuusuttullu eqqaavai, aammalu Namminersorlutik Oqartussanit suliassaqarfinnik kommuninut tunniussinissat.
Oqalugiaat tamaat kalaallisut qallunaatullu spaltimi talerperlermi filit toorlugit.