Ineqarnermut akiliutit 312 koruuninik appartinneqarput
Inip aalajangerpaa marsip 1-ani 2010-miit ukiumoortumik allaffissornermut akiliut 312 kroouninik appartinniarlugu.
Pisortat inissiaataanni Ini A/S-imit aqunneqartuni inissianik attartortut marsip 1-aniit 2010 siunissamilu malugissavaat ineqarnermut akiliut appariartortoq.
Inissiaatileqatigiiffiummi aalajangerpaa ukiumoortumik allaffissornermut akiliut maannakkut 4.836 koruuniusoq 312 koruuninik appartinniarlugu inissiamut attartorneqartumut ataatsimut 4.524 koruuninngortillugu.
2009-mi septembarip 1-aniit Ini A/S aaqqissuussaanikkut allanngortitsivoq attartortunut illuutinillu piginnittunut kiffartuussinerup qaffasinnerulernissaa siunertaralugu.
- Suleriaatsit malunnaatilimmik pitsanngortinnerannut aaqqissuussaanerup allanngortinnera sulisut atormassuk nersualaarsinnaagakkit nuannaarutigaara, taamaalilluni aki appasinnerusoq atorlugu pitsaanerusumik kiffartuussisoqarsinnaanngorluni, pisortaaneq Kenneth T. Hansen oqarpoq.
Ukiuni kingullerni marlunni Ini A/S-ip attartortut iluaqutissaanik inissiaatileqatigiiffiup aningaasaatai erniortinnerusimavai, taamaalilluni qaammammut ataatsimut ineqarnermut akiligassaq 300 koruunit missaanik appartinneqarsinnaalluni.
Maannakkut tamakkiisumik alloriartoqassaaq, inissiaatileqatigiiffiullu siumoortumik allaffissornerup akia appartissinnaallugu, taamaalilluni Kalaallit Nunaanni inissianik aqutsineq akikinnerpaaq attassinnaallutigu, Ini A/S tusagassiuutitigut nalunaarummini allapoq.