Siunnersorneqarneq allanngortinneqarpoq
Eqqartuussisoqarnerup nutarterneqarneratigut inatsisitigut siunnersorneqartarneq allanngortinneqarpoq, inatsisitigut isumannaatsuunermi innuttaasunut piumasaqaatit sakkortusisat naammassiumallugit.
Nunatsinni eqqartuussisoqarnermi nutaami allannguuterpassuarnut pingaarnerusumik pissutaavoq inatsisitigut isumannaatsuunermi piumasaqaatit annertusisat.
Eqqartuussisoqarnermi ataatsimiititaliarsuup isumaliutissiissutaata, ukiut nikinneranni aaqqissuussaanermik nutaamik kinguneqartup, kingunerisaanik ilaatigut inatsisitigut siunnersorneqarneq allaanerusumik aaqqissuunneqarpoq.
Taamaasilluni eqqartuussisoqarfiit assigiinngitsut avissaartinneqarluinnarput.
Aaqqissuusseqqinneq sioqqullugu eqqartuussisoqarneq qularnartulik atorsimaneripput landsdommerip eqqunngitsuunerarpaa.
– Eqqartuussisoqarnermi ataatsimiititaliarsuup sulinerani Inatsisinik atortitsinermut ministereqarfimmut misissortissimavarput inuit pisinnaatitaaffiinik unioqqutitsisoqarsimanersoq, taamaattoqarnerali paasineqarsimanngilaq, Søren Søndergaard Hansen Sermitsiamut oqarpoq.
Piviusut akeqanngitsumik inatsisitigut siunnersorneqarneq:
Inatsisitigut siunnersorneqarusukkaanni Kalaallit Nunaanni Eqqartuussivimmut saaffiginnittoqassaaq paasiniarlugu eqqartuussissuserisut kikkut aaqqissuussinermi ilaanersut. Tamatuma kingorna eqqartuussissuserisoq atorumasaq saaffigineqassaaq.
Naatsorsuutigineqarpoq eqqartuussissuserisut allattorsimaffiat januaarip naannginnerani piariissasoq.
Akeqanngitsumik eqqartuussisutigoortitsineq: Akeqanngitsumik eqqartuussisutigoortitsinissamik qinnuteqaat Kalaallit Nunaanni Naalagaaffiup sinniisaanut tunniunneqassaaq. Tamatumunnga pissutaavoq akeqanngitsumik eqqartuussisutigoortitsinissaq akuerineqarpat tamanna qallunaat naalagaaffiata akilissammagu.
Sermitsiaq nr. 1 atuaruk....