Pinerluttulerinermut inatsit naqiterneqarpoq

Pinerluttulerinermut inatsit nutaaq kalaallisuumut nutserinera sivisuumik kukkunersiorneqareerluni maanna naqiterneqalerpoq.

Pinerluttulerinermut eqqartuussisoqarnermullu inatsisip kalaallisoortaa naqiterneqalerpoq. Ass.: . Leiff Josefsen

Pinerluttulerinermut eqqartuussisoqarnermullu inatsisip untritilinnik arlalinnik paragraf-illip kalaallisuumut nutserniarnera suliaq annertuujusimavoq.

Maannali kalaallisuumut nutserneqarnera naammassineqarsimavoq inatsisillu kalaallisuuva naqiterneqalerluni. Inatsisit kingusinnerusukkut kalaallit inatsisaannut Nalunaarutinut ilanngunneqarumaarpoq. Taamatut paasissutissiivqo Nuummi Naalagaaffiup Sinniisuata allaffianeersoq fuldmægtig Jan Bøgnæs.

Inatsisinik atortitsinermut Ministereqarfiup quppernerani nittartakkami decembarip aallartinneraniilli pinerluttulerinermut eqqartuussisoqarnermullu inatsisip kalaallisoortaa atuarneqarsinnaasimavoq.

Taannali tassaaginnarsimavoq Eqqartuussiveqarnermut Ataatsimiititaliarsuup pinerluttulerinermut eqqartuussisoqarnermullu inatsisissatut missingersuutaata kalaallisuunngortinneqarnera.

Taamaattumik Naalagaaffiup Sinniisoqarfiata qinnutigisimavaa nutserneqarnerata misissoqqinneqarnissaa, taamatut paasissutissiivoq landsdommeri Søren Søndergaard Hansen.

Powered by Labrador CMS