Tunitsiviit suli matoqqapput
Namminersorlutik Oqartussat Royal Greenlandillu akornanni sullissinissamik isumaqatigiissutikkut nutaakkut Kangaamiuni Atammimmilu tunitsiviit ammarneqarnissaat qulakkeerneqanngilaq.
Namminersorlutik Oqartussat Arctic Green Foodillu kiisalu Royal Greenlandip akornanni sullissinissamik isumaqatigiissutikkut isumaqatigiissutigineqaqqammersukut Royal Greenlandimut atatillugu aalisartut Arsummi, Qeqertarsuatsiaani, Ikerasaarsummi, Niaqornaarsummi kiisalu Kangaatsiami tunitsivinnut 2010-mi tunisisinnaanerat qulakkeerneqarpoq, taamatut allappoq knr.gl.
Kangaamiunili Atammimmilu tunitsiviit isumaqatigiissummi ilaanngillat. Taakkua nipisaat suaannik tunitsiviup nalaani suli ammasassapput. Piffissalli tamatuma avataani taamaallaat ammasassapput aningaasarsiornikkut akilersinnaassappat, Royal Greenland erseqqissaavoq.