Nannut Danmarkip ukiuunerani
Aalborgimi uumasuusivimmi nannut issi apullu iluareqaat.
Aalborgimi uumasuusivimmi uumasut amerlanerit ukiup issinneranik oqqisimaarput.
Ukiuunerali uumasut ilaasa iluareqaat.
Assersuutigalugu nanoq arnaviaq piaraalu Malik apummi sermimilu iluataarput.
Europami ukiumi issinnera Islandip qulaani naqitsiniisarfissuarmik pilersitsivoq. Taassuma avanaaniit avannaatalu kangianiit silaannaq issittoq Europamut Amerikallu avannaanut sakkortuumik maqippaa.
Ruslandip qulaanip naqitsinertuffissuup issi attatiinnartippaa. Oqaluttuarisaaneq kingumut qiviaraanni aamma takuneqarsinnaavoq, Europami issitsillugu Kalaallit Nunaanni kiattartoq.
Qaammatini arlaqartuni ukioq ingerlaannarsinnaavoq, immaqalu allaat maajip tungaanut, Niels Bohr Institutimi ilisimatooq Eigil Kaas isumaqarpoq.
– Maannakkut pisutuut ukioq inissikkuni ilimanarluarpoq issinnerata ingerlaannarnissaa. Januaarimilu issiinnassappat ilimanarluarpoq apriilip maajillunniit tungaanut issiinnarnissaa, jp.dk-mut Eigil Kaas oqarpoq.