Nunatsinniit silaannaq nillertoq Danmarkimi issitsitsivoq
Nunatta Qalasersuullu nalaanni naqitsinertuffik Asiamut, Amerikamut Avannarlermut Europallu avannaanut silaannarmik nillertumik ingerlaartitsivoq aperujussuartitsilluni issitsitsillunilu.
Nunarsuup affaa avannarleq maanna qaqutigoortumik issippoq, silasiortullu sanniussassaqarumallutik oqaluttuarisaanermi atuakkani ujarlertariaqarput taamatut allappoq ekstrabladet.dk.
Florida 1977-imiilli siullermeersumik ullumi apissangatinneqarpoq. USA-mi tamarmi 1985-imiilli ukioq aatsaat taama sualutsigaaq.
Ippassaq ullaakkut Beijingimi 16,7 gradinik issippoq, 1971-imi januaarip 4-anniilli aatsaat taama issitsigaluni.
Tuluit Nunaanni 1981-imiilli aatsaat taama issitsigaaq Koreamilu Kujallermi 1937-miilli aatsaat taama apisimatigaaq.
Kalaallit Nunaata Qalasersuullu missaani naqitsinertuffik Asiamut, Amerikamiut Avannarlermut Europallu Avannaanut silaannarmik nillertumik supoorivoq, aperujussuartitsilluni issitsitsillunilu, ilaatigut Danmarkimi.
Kinami innaallagiaq pinngortitallu gas-ia killilersorneqalerput. Nunap kujataani provinsimi Hubel-imi atuartut 800.000-t atuariartorsinnaasimanngillat.
- Biilertoq taamatut misigisaqareersimassaguni ikinnerpaamik 47-nik ukioqartariaqarpoq, tuluit nunaanni Automobile Association-imi oqaaseqartartoq Andrew Howard oqarpoq.
Napparsimmaviit ulikkaartut
Tuluit Nunaanni napparsimmaviit ulikkaavipput napparsimasunik orlullutik talerminnik nissuminnilluunnit napisoorsimasunik.
USA-mi angerlarsimaffeqanngitsut najugaasa torsuusat atortariaqarpaat piitsut qiiasut inissaqartikkumallugit.
Uulia nappartamut 86 dollarinut qaffarujussuarpoq, siusinnerusukkulli taamatut akeqarsimavoq.
Aamma taratsut pujaallisaatit ullualunnguit ingerlaneranni tonsimut 55 euro-niit 100 euro-nut akitsorsimapput.
Europap kujataani tamakkuninnga pilersuisut utoqqatsissutigaat 'assartuinermi aqqutip takinerujussuat', sapaatilli akunneranit matuma siornatigornit takinerunngilaq.