Apinerata timmisartorneq unitsippaa
Avannaani aperujussuarnera peqqutaalluni pingasunngormat timmisartortoqarsinnaanngilaq.
Annonse
Nunatta avannaani aperujussuarnera peqqutigalugu pingasunngormat pilersaarutit malillugit Ilulissaniit Upernavimmut Qaanaamullu timmisartuussinissat taamaatiinnarneqarput. Taarsiullugu ilaasussat sisamanngornermi arfininngornermilu timmisartornissanut nuunneqarput, Air Greenland nalunaarpoq.
Sisimiuni anorlerpallaarnera aperujussuarneralu peqqutigalugit tassunga tassanngalu timmisartornerit pingasunngormat taamaatiinnarneqarput.
Sinerissami pilersaarutit malillugit timmisartuussinissat ingerlanneqarput Sisimiut avaqqullugu, taamaattorli Ilulissani, Aasianni, Maniitsumi Nuummilu ingerlanneqarlutik. Sisimiuniit Sisimiunullu ilaasussat allanut nuunneqarput.