Timersortarfissuassamut pilersaarut FIFA-mut takutilerpaat
Qaasuitsup Kommuniani pissanngatigineqarpoq FIFAp ittorsuata Sepp Blatterip aasaru tikeraarnissaa aammalu aningaasanik tunniussassaqarnersoq.
Annonse
FIFAp præsidentia Sepp Blatter aasamut nunatsinnut tikeraaruni aamma Ilulissanut tikeraassamaarpoq. Tassani ilaatigut nassuiaanneqassaaq timersortarfissualiornissamik pilersaarummik tassanilu ilaatinniarneqarpoq illup iluani arsaattarfik ivigaaraasalik.
– Tamanna ilaatigut pissutigalugu eqqartorsimavarput illup iluani arsaaffiliorniarluta nunat tamalaat unammiffigisinnaasaannik. Taamaattumik soqutiginartorujussuuvoq FIFA-miit tikeraartussat pilersaarutitsinnut qanoq isumaqarnersut minnerunngitsumillu suliniutitsinnut aningaasaleeqataarusussinnaanersut, taama Apollo Mathiassen oqarpoq.
Annerusumik atuarsinnaavutit Sermitsiaq nr. 2-mi.