Kalaallit Nunaat pillugu atuakkiaq nutaaq saqqummerpoq
Ukioq manna qallunaat sorsuutaat ukiunik 500-unngortorsiorput, tassungalu atatillugu atuakkanik arlalinnik saqqumersitsisoqarluni. Atuagaq siulleq ateqarpoq 'Grønlandssejlerne'.
1930-kkunnili qallunaat sorsuutaat aalisarnermik nakkutilliipput, immakkut annaassiniartarlutik Kalaallillu Nunaata imartamik piginittuunera illersortarlugu kutterit atorlugit. Katillugit kutterit qulit tmassumani atorneqartarsimapput, pissutsit peqqarniitsut ataanni Kalaallit Nunaannut pingaaruteqaqisumik suliaqartarlutik.
2008-09-mi angallatit nakkutilliissutit nunaat marluk atulerput, kutterit pisoqalisimasut taarserlugit, taamaalilluni maannakkut kutteri ataaseq kiserngorulluni.
Per Herholdt Jensenip atuakkiaani sammineqarput kutterit nakkutiliissutit quliusut tamaasa, kiisalu angallatit nutaat marluk. Atuakkap immikkortuini immikkut ittuni annaassiniarnerit, aalisarnermik nakkutilliinerit Thulellu avannaani imartamik piginnittuunermik illeruineq eqqartorneqarput.
Atuagaq kutterinit nakkutilliissutinit angallatinillu nutaanik kusanartunik nunatta imartaani pinneqisumi assitarpassuaqarpoq.