Kalaaleqatinut juullimi pilluaqqusineq
Danmarkimi kalaallit peqatigiiffiisa kattuffiat 'Inuit' 35-ssaannik nunatsinnut juullimi pissuaqqusilluni katerisimaarnermik aaqqissuivoq. Tamann pivoq DGI-bymi Vejlemi arfininngormat.
Aaqqissuussineq nal.akunneri 12-t sinnerlugit ingerlanneqartoq naalagiarermik aalarnerneqarpoq, unnuaqeqqanullu 'Ulloq naavoq' atorlugu naggaserneqarluni.
Inuit 1800-t missaanniittut katerisimaarnermi peqataapput, erinarsoqatigiittoqarluni, erinarsoqatigiit tusarnaartitsillutik, juuulip evangiiliua atuarneqarluni, oqaluttuartoqarluni, oqalugiartoqarluni, orpiliartoqarluni, pisannattoqarluni, nereqatigiittoqarluni, qittattoqarluni ilassiuuttoqarlunilu.
Oqaaseqartut ilagaat Kaaleeraq Møller Andersen Uummannameersoq, Koldingimilu efterskolertoq. Killitsisimalluni ima oqarpoq: Uanga oqartussaasuuguma efterskolertut kalaallit tamarmik Namminersorlutik Oqartussanit tapiffigineqartassagaluarput angerlarlutik juullisioriartorsinnaanngorniassammata.
Taama oqarnera isersimasunit, ilarpassui efterskolini atuartut, ersaartaannermik akineqarpoq.
Inuit juullimi pilluaqqusillutik tusarnaartitsinerat KNR-TV-kkut allakaatinneqassaaq juulliaqqami.
Assit aamma isiginnaarneqarsinnaapput uani.