Tappik 2 ingerlanneqarpoq
Sakkutuut imarsiortut politiillu ukiup affaanoortumik annassiniarnermik sungiusartarneq 'Taappik' ingerlappaat.
Sungiusarneq Kangilinnguit eqqaanni ingerlanneqarpoq.
Sungiusarneq Tappik tassaavoq Grønlands Kommandop umiarsuaasa politiillu kutteriisa ukiup affakkuutaartumik sungiusaqatigiittarfiat, ilaatigut umiarsuit suleqatigalugit kaligisarnermik qatserisarnermillu sungiusarfiusartoq. Sungiusarnermi aamma Naalagaaffiup sinniisaata angallataa H.J. Rink peqataavoq.
Massakkullu ujaasineq, annaassiniarneq, qatserineq ikiueqqaarnerlu pingaarnerutillugit sammineqarput, GLK-ip nittartagaa oqaluttuarpoq.
Nutaatut ujaasisarneq annaassiniartarnerlu annertusineqarsimapput, ullunilu marlunni ingerlanneqarlutik. Tassani ilaasut ilagaat umiarsuarmik aalisariummmik ujaasineq, umiarsuarmik ilaasartaammik qatserinermut ikiuunneq, aallaaniarlutik tammarsimasunik ujaasineq mkinnerunngitsumillu umiatsuarmik putusimasumik ikiorsiineq. Annaassiniarneq taanna nalunaaquttat akunnerinik 31-nik sivisussuseqarpoq.
Sungiusarneq naggaserlugu qatserineq ikiueqqaarnerlu Kangilinnguani ilinniartitsissutigneqarput, umiarsuillu peqataasimasut tallimanngornermi angerlakaapput.