Assartuussinermut Isumalioqatigiissitat tusagassiortunik naapitsiniarput
Selvstyrets Transportkommission holder sit første møde torsdag i København.
Assartuussinermut Isumalioqatigiissitaq, Naalakkersuisunit pilersinneqartoq, sisamanngornermi 10. december siullermeerluni ataatsimiissaaq.
Ataatsimiinneq naammassippat Isumalioqatigiissitami ilaasortat sivikitsumik tusagassiortunut ilisaritinneqassapput.
Assartuussinermut Isumalioqatigiissitap Namminersorlutik Oqartussani aningaasaqarnikkut imminut napatissinnaalernissamut siunissamut ungasissumut anguniagaat tunngavigalugit Kalaallit Nunaanni assartuussinermut takorluukkat, aamma takorluukkat taakku qanoq iliorluni piviusunngortinneqarnissaannut tunngavissiat suliarissavai.
- Assartuusseriaaseq aningaasaqarnerlu illugiillutik imminnut atasuupput. Assartuusseriaaseq ingerlalluartoq aningaasaqarnikkut ineriartortitsinissamut atugassarititaasunik eqqortunik pilersitsinissamut pingaaruteqartorujussuupput.
- Taamaattumik Assartuussinermut Isumalioqatigiissitap sulinissaa namminersornerup eqqunneqarnerani imassaanik pilersitsinissatsinnut pingaaruteqarluinnarpoq, Ineqarnermut Attaveqarnermut Angallannermullu Naalakkersuisoq Jens B. Frederiksen oqarpoq.
Assartuussinermut Isumalioqatigiissitami ilaasortaasussat arfiniuliupput:
? Christen Sørensen, (siulittaasoq), Syddansk Universitetimi professori
? Vagn Andersen, pisortaq
? Kristian Lennert, pisortaq, Inuplan A/S
? Nick Nielsen, ingeniøri
? Karl Davidsen, pisortap tullia, Kanukoka
? Susanne Larsen, SAS-imi pisortaanertut atorfeqarsimasoq