Qasigiannguani anorersuarujussuarpoq
Anorersuarujussuarnera pissutigalugu pisariaqanngitsumik aqqusinertigut angallattoqarnissaa Qasigiannguani politiit mianersoqqussutigaat.
Ataasinngornermi Qasigiannguani anorersuarujussuallarmat qujanartumik inunnik ajoqusertoqanngilaq. Illoqarfimmi paaqqinnittarfiit atuarfiillu tamarmik matoqqapput meeqqallu isumannaatsumiitinneqarput.
– Pingaartumik umiarsualivimmiinnissaq ulorianarpoq, containerit arlallit uppissimallutillu pallenik poortukkanillu assigiinngitsunik teqqaasoqarmat, politiassitent Frederik Lundblad sermitsiaq.gl-imut oqaluttuarpoq.
Qasigiannguani anori taamaattoq, anorersuarsuartut sakkortutigisaroq saqqarsarnimik taaneqartarpoq. Asiallu nittartagaa malillugu anorersuaq nalunaaqutaq marlunut 36 sekundmeterinik sukkassuseqarsimavoq.
– Pilersuisup quersuata qalia tingitaangajakkuarluni ataqqarluinnarpoq. Taamaattumik umiarsualivimmiinnissaq ulorianarpoq, Frederik Lundblad erseqqissaavoq.
– Illut ilaata qaliata qalissiarsuartai teqqartut takusinnaavagut qimmillu illuaraannik aamma teqqartoqarpoq. Umiatsiaat qaqinneqarsimasut ilaat aamma uppiissimapput.
– Efterskolemi atuartut isumannaallisaanissaq pissutigalugu aamma atuarfiup immikkoortuanut avannarlermut katersorneqarput.Illup ajoquseratarsinnaanera upalungaarsimaffiginiarlugu atuartut ilinniartitsisullu atuarfiup immikkoortuanut avannarlermut katersorneqarput. Sunngiffimmi isersimaartarfik aamma silarlunnera pissutigalugu unnugu matoqqassaaq.
– Allatut oqaatigalugu, Qasigiannguani silarlussuartorsuuvoq, oqarernittulli qujanartumik inunnik ajoqusertoqanngilaq, Frederik Lundblad oqarpoq.
Ataasinngornermi 14. dcember 2009-mi Qasigiannguani saqqarsarnillarmat assiliisimaguit assinik uunga nassiussigit: noah@sermitsiaq.gl - assit bredformatiussapput.