Allakkanik nassiussinermi akit nutaat
Nunatsinni namminermi allakkat nassiunnerat ukiortaamiit 7 koruuneqalissaaq.
Tele-Postip akigititai nutaat 18. januaari atuutilissapput. Allakkanik nalinginnaasunik nassiussineq 6,25 koruuniniit 7 koruuninut qaffaassaq, allakkat Nunatsinniit Europamut nassiussineq 8 koruuniniit 8,50 koruuninut qaffassalluni.
– Poortukkanillu nassiussinermi akigitinneqartut paasiuminarnerulissapput sullittakkatsinnut iluaqutaasumik. Passuissinermi immikkoortitsisarnerit kiilunut assigiinngitsunut arfinilinnut agguarneqassapput kiilut pingasukkaarlugit agguarneqartalissallutik.
Akigitinneqartut immikkoortitsineqarnerisa nutaat aammattaaq kingunerisissavaat poortikkat oqimaannerusunut nassiunnerisa akiat malunnaatilimmik apparnerat, aammattaaq Europamut aamma nunanut allanut ataatsimut isigalugu akinik appartitsineq, Tele Post nalunaarpoq.
Akigitinneqartut nutaat Tele-Postip nittartagaani takuneqarsinnaapput.