Kalaallit meerartaat ikiorserniarlugit arpaliunneq
B.T. marathonip affaanut arpaliutsissaaq, peqataasullu akiliutaasa affaat kalaallit meerartaannut pisariaqartitsisunut ikiorsiissutigineqassapput.
BT marathonip affaanut arpaliutitsippat isertitat ilaat kalaallit meerartaasa pisariaqartitsisut Danmarkimut feriarnissaannut atorneqassapput, BT taama allappoq.
– B.T. Halvmarathonimut peqataaniarlutik nalunaartut tamarmik 4 kroninik, kalaallit meerartaasa pisariaqartitsisut Kalaallit Nunaanni pisinnaanngisaminnik feriarlutik nuannersunik misigisaqarnissaannut atorneqartussanik akiliissapput, aviisi allappoq.
BT-ip erseqqissaatigaa, Kalaallit Nunaanni ilaqutariit amerlanersaat ingerlalluartuusut, aammali ikiortariaqartunik ilaqutareeqartoq.
– Meeqqat Danmarkimi feriarnermikkut pitsaanerusunik misigisassaqarnera malugissavaat. Pisariaqartitaminnik qasuersissapput. Immaqa nunaqarfiup avataani misigisaqaqqaatiminnik. Danmarkimilu inuuneq misigisaqarfigalugulu attaveqarfittaartussapput, allappoq.