Meeqqat juullimi tunissutisiassaat
Kommuneqarfik Sermersuumi ilaqutariit pissarissaannginnerusut meerartaat hundredit arlallit atisanik, pinngussanik, nerisassanik mamakujunnillu tuniorarneqarput.
Ilaqutariinnut pissarissaannginnerusunut juullimi tunissutissat Foreningen Grønlandske Børnimit aningaasaliiffigineqarput, tunissutillu tassaapput ukiumi atisay meeqqanullu tamanut LEGO-t, kiisalu 75.000 kronit koorinut juullimi nerisassaniik mamakujunnillu imaqartussanut atugassat, Kommuneqarfik Sermersuup isumagisassai.
Tunissutissat sapaammi decemberip 12-ianni Katuami orpiliaqatigiinnermi agguaanneqarput. Ilaqutariilli Nuummeersut kisimik tunineqartussaanngllat.
– Ilaqutariit pissakilliortut meerartaat tamarmik, pingaartumillu Kommuneqarfik Sermersuumi pisortatigoortumik ikiorsiiffigineqartartut meerartaat qaammatip uumap ingerlanerani tunissuteqarfigineqassapput. Air Greenlandip tunissutissat akeqanngitsumik Paamiunut, Ittoqqortoormiunut Tasiilamullu assartussavai. Nunaqarfinni meeqqat aamma tunisikkumaarput, Kommuneqarfik Sermersooq nittartakkamini allappoq.